داخلي بحر ....

موضوع: داخلي بحر .... 28/8/2008, 6:35 pm

احس بداخلي "بحـر" و/شمعه

احس بقمـر يضوي حوالي..

احس بحبر يرسم بعمقي/عبارات

وينهـا هـ "العبارات" ..!

احس البحـر والشمعه..

يتهاوشون .. يتضاربون ..

البحـر يطفي الشمعه.. والشمعه ودهـا تحرقني..

والحـر يطفيها..وهي تبغا تحرقني..

ياحبـر اتركها..

خلهـا براحتها..

القمـر يضوي ..
بس وين.. كل ماالتفت فوق ماشفته

يمين ماشفته..شمال ماشفته ولا وراي ..

وينك ياقمــر

احسه يضوي ويسطع..

وين..!؟

في كـل الاتجاهات.. ماشوفه..بس احسـه

الحبـر.. يكتب.. موبس يكتب..ينحت في عمقي..

يرسم اشكال..مافهمتها..

وعبارات ماادري وش يقصد فيهـا..

احس الشمعه تقول للبحـر .. خلني احرق ..ادمـر خلني

والبحـر كل ماله ويقاوم..

ودهـا تحرقه ..بس ماتقـدر..

هو يقاوم ..

البحـر:ان حرقتيها ..وين اودي كل هالاسرار ..وهالذنوب..؟

الشمعه بخبث: موانت غدار.. اغدرها وارميهم بأي مكان

البحـر: لو ارميهم .. بيظلون بقلبي.. لو اوديهم ابعد مكان..بيرجعوهم عندي

الشمعه: هذا مو شغلي تصرف

البحـر:طول عمرك بتظلي مغروره .. ورافعه انفك لفوووق..بس مصيرة ينكسـر ..

شوفي .. كم يد حرقتي.. وكم طفـل طحتي عليه .. وكم بيت موتي اهله .. وكم وكم وكم؟؟ وكل هذا بسبب غرورك..

الشمعه : شوف نفسك انت .. كم غريب موته بعيد عن اهله .. وكم بحارة غدرت فيهم وغرقتهم ... واذا انا حرقت اياداي وجلـد .. انت حرقت قلووب اهـل وام ..

البحـر:مصيره انفك ينكسر ..
مصيره ينكسر ..
مصيره ينكسر ..

الشمعـه: وانت بيجي يوم وبتنتهي..
وبتنتهي..
وبتنتهي..

كـل هذا صار. داخلي .. وللحين ماخلص

والحين احس بشي جديد

احس فيه صوت يتخلل .. وصوت يهمس.. بس مااعرف مين

ومازلت ادوور ع القمـر.. وين يضوي.؟؟

والحبـر وش يكتب..؟؟

والصوت..وش يقول ومن صوته؟؟

موضوع: رد: داخلي بحر .... 29/8/2008, 9:27 am

سلمت يمينك ألف و بإنتظار جديدك و بالتوفيق دائما

موضوع: رد: داخلي بحر .... 29/8/2008, 6:45 pm

يسلمو نور

زائر

شكرا

موضوع: رد: داخلي بحر .... 18/10/2008, 9:10 am

العفو