::::: نظره من عينك‏ :::::

موضوع: ::::: نظره من عينك‏ ::::: 24/7/2008, 3:18 pm

يوم ما إتقابلنا كنت إنسان عادي

وكان كل شئ في الدنيا هادي

وفجأه الدنيا بقت جميله

وسنين الفرح شفتها طويله

وإتعجبت وإستغربت إيه اللي حصل!!!

وليه الحزن اللي جوايا انكسر؟؟؟

لقيت دا كله بسبب

نظره من عينك لعينيا

يوم ما إتعاهدنا إن الحب يفضل ما بينّا

وإن الحزن عمره ما يجيلنا

وسرحنا وحلمنا

والدنيا في عيونّا بقت بساتين

والحب اللي جوانا بقى كتب ودواوين

وسقيت الورد اللي في قلبك بإيديا

يومها عرفت إن الدنيا ما تساوي

نظره من عينك لعينيا

يوم ما إختلفنا كان نفسي اشوفك

او حتى يزورني طيفك

احكيله ويسمعني

اشكيله ويفهمني

ومات الحب اللي بينّا

وشيعنا جثمانه في قلوبنا

ومن الحزن اللي حواليا

إتمنيت بس

نظره من عينك لعينيا

يوم ما إفترقنا والفرح ودّعنا

والذكرى بقت توجعنا

ومشيت لوحدك ومشيت لوحدي

لا قدرت ارجعلك ولا قدرت ترجعلي

والدموع ملت عينينا

والورد اللي في قلوبنا بقى شوك في إيدينا

لكن برجع واقولك إني ممكن انسى

والقلب اللي حبك عمره ما يقسى

وإني ممكن انقذ قلوبنا اللي ماتت

وأرجع الحب مهما السنين فاتت

وإني هفضل دايماً مستنيه

نظره من عينك لعينيا

موضوع: رد: ::::: نظره من عينك‏ ::::: 26/7/2008, 6:24 am

يعطيك العافيه همس المشاعر

كلمات روعه وخاطره جميله

موضوع: رد: ::::: نظره من عينك‏ ::::: 29/7/2008, 7:49 pm

يسلمو
يعطيك الف عافيه
تحياتي

موضوع: رد: ::::: نظره من عينك‏ ::::: 31/7/2008, 9:42 pm

تسلمـ اخويـ همس ع الطرحـ القيمـ

موضوع: رد: ::::: نظره من عينك‏ ::::: 1/8/2008, 7:37 pm

ملكة الحب كتب:: يعطيك العافيه همس المشاعر

كلمات روعه وخاطره جميله

اشكر مرورك الجميل

نور الموضوع بتواجدك

موضوع: رد: ::::: نظره من عينك‏ ::::: 1/8/2008, 7:38 pm

الديب كتب:: يسلمو
يعطيك الف عافيه
تحياتي

اشكر مرورك الجميل

نور الموضوع بتواجدك

موضوع: رد: ::::: نظره من عينك‏ ::::: 1/8/2008, 7:40 pm

ملاك الروح كتب:: تسلمـ اخويـ همس ع الطرحـ القيمـ

اشكر مرورك الجميل

نور الموضوع بتواجدك