جتنيـ ـ رسالهـ !

جتني رسالة من صدى خافق الروح=وقريتها بإحساس قلبـي وروحـي

قريتها وانهدّت قصـور وصـروح=وأنا من أول عالياتـن صروحـي

تشكي تقول القلب يا حمود مجروح=ما تدري اني غايراتـن جروحـي

تهلّ دمع وترفع الصـوت بالنـوح=واللـي فقـد غاليـه لازم ينوحـي

ما كلّمتني يمكن الصـوت مبحـوح=من النوح وإلا ما استطاعت تبوحي

جتني رسالتها بها دموع وجـروح= وانهَد باسباب الرسالـة طموحـي

تقول ياحمود الزمن صار مفضـوح= والشيب فيني لو تشوفـه يلوحـي

يا بو علي مالي بالأغراب مصلوح=مادام قلب اللـي نحبـه شحوحـي

ودّي بشوفك دام الأعمار بفسـوح= قبل الرحم يا خوي منـا يروحـي

زلّ الزمان اللي به أفراح ومـزوح= أنخـاك تكفـى لا تظنّـه مزوحـي

وبعد الرسالة صار بالقلب ذابـوح=طار المنام وصار فكـري يشوحـي

أختي رسالتها لها القلـب مفتـوح=كلّي لها والقلب ينصـت ويوحـي

أقولها ودموع عينـي لهـا فـوح= وسط المحاجر دمع عيني يفوحـي

أجاوب الورقا على عالـي الـدّوح=وأنوح من فرقا الرفيق السموحـي

والله لو إني وسط الأطباق مذبـوح=لأظهر كما خطو الحصان الجموحي

وأقول يا عين المها ما بها شروح= لو تطلبين الروح تفـداك روحـي



::

يعطيك الف عافيه على هدة الروعه
تحياتي

@ نور القلوب @ كتب:

الشكر لك

على روعة ما قدمت واخترت من ذوق

الله يعطيك العافية يارب ،

تحياتي لك وتقديري

مشكوره على المرور

الديب كتب:

يعطيك الف عافيه على هدة الروعه
تحياتي

مشكرعلى المرور

تسلمي على الطرح الرائع

ربي يعطيج العافيــــــــــــــة

ملاك الحب كتب:

تسلمي على الطرح الرائع

ربي يعطيج العافيــــــــــــــة

مشكورة على المرور