أـشعار منوعه

موضوع: أـشعار منوعه 24/5/2008, 6:38 am

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج أعيده

ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ

بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر إنسان عزيته من أعماقي

ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام

-----------------
في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأصحاب
تدري عليك الروح با الحيل توله
وتدري بعد طيفك عن العين ما غاب
---------------------
لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني
-----------------------

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ˚◦ ๑ ◦˚ஐ

أنا قلبي من كثر شوقي
ملا صدري
وأنا صدري من كبر قلبي
نفذ صبره
من صباح الخير لين الشمس
ماتسري
ومن مساء الخير لين نصير
في بكره
والغلا في داخلي مثل النهر
يجري
ليتك تدري بغلاك داخلي
وش كثره
سلامى ودمتم بخير وسعاده

موضوع: رد: أـشعار منوعه 24/5/2008, 9:45 am

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

سلمت أناملك التي خطت بتلك الحروف الذهبية المعطرة

كلمات رائعة بل أكثر من رائعة

الله ما يحرمنا منك ولا من مواضيعك الجميلة

موضوع: رد: أـشعار منوعه 24/5/2008, 7:20 pm

أنا قلبي من كثر شوقي
ملا صدري
وأنا صدري من كبر قلبي
نفذ صبره
من صباح الخير لين الشمس
ماتسري
ومن مساء الخير لين نصير
في بكره
والغلا في داخلي مثل النهر
يجري
ليتك تدري بغلاك داخلي
وش كثره

سلمت الايادي اخي عاشق القطيف

موضوع: رد: أـشعار منوعه 25/5/2008, 7:06 am

أشكرك أخي العزيز على هذه الابيات الجميلة

موضوع: رد: أـشعار منوعه 27/5/2008, 7:15 pm

الله يعطيك العافيه

موضوع: رد: أـشعار منوعه 10/6/2008, 9:43 pm

تسلم
الله يعطيك العافية

موضوع: رد: أـشعار منوعه 16/6/2008, 8:50 am

اشكر مروركم الرائع

نور القلوب

سنايبر

ملكة الحب

عاشقة العيون

شكرك لمروركم العطر